Biomassa pirolizi asosida olingan muqobil yoqilg‘ilarning issiqlik-texnik parametrlari tahlili

Abstract

Maqolada biomassa xom ashyosini piroliz usulida termokimyoviy qayta ishlash natijasida hosil bo‘ladigan piroliz mahsulotlarining tarkibi va xossalari tahlil qilingan. Biomassaning lignosellyulozali tarkibi, jumladan sellyuloza, gemitsellyuloza va ligninning piroliz jarayonidagi roli hamda ularning piroliz mahsulotlari hosildorligiga ta’siri o‘rganilgan. Biomassaning elementar tarkibi va piroliz mahsulotlari - piroliz suyuqligi, piroliz gazi hamda piroliz ko‘mirining elementar tarkibi o‘rganilgan. Tadqiqot natijalariga ko‘ra, piroliz ko‘mirida uglerod miqdori 82,7 %, piroliz suyuqligida 41,6 % va piroliz gazida 39,2 % ni tashkil etishi aniqlangan. Olingan natijalar biomassa turi va uning lignosellyulozali tarkibi piroliz mahsulotlarining miqdori va issiqlik-fizik xususiyatlariga ta’sir ko‘rsatishi aniqlandi. Tadqiqot natijalari biomassa pirolizi mahsulotlarini energiya ishlab chiqarish, bioyoqilg‘i olish, adsorbent materiallar tayyorlash hamda ekologik toza texnologiyalarni rivojlantirishning istiqbolli yo‘nalishlaridan biri sifatida baholash imkonini beradi