Kombinatsiyalashgan piroliz qurilmasining issiqlik va material balansini tadqiqot qilish

Abstract

Maqolada qishloq xo‘jaligi va mahalliy organik chiqindilar asosida muqobil yoqilg‘ilar olishga mo‘ljallangan kombinatsiyalashgan piroliz qurilmasining issiqlik va material balanslari tadqiq qilingan. Tadqiqot doirasida pomidor poyasi va boshqa mahalliy biomassa chiqindilarini piroliz usulida termik qayta ishlash orqali gazsimon, suyuq va qattiq muqobil yoqilg‘ilar olish imkoniyatlari o‘rganildi. Tajribaviy tadqiqotlar davomida 100 kg biomassa xom ashyosi 300-550 °C harorat oralig‘ida va 180 minut davomida qayta ishlanib, material balans ko‘rsatkichlari aniqlangan.