G‘OʻZA QATOR ORALARIGA KUZGI BUG‘DOY EKISH UCHUN TUPROQQA ISHLOV BERISH TEXNOLOGIYALARINI TAKOMILLASHTIRISH

Abstract

Maqola paxta dalalari g‘oʻza qator oralariga kuzgi bug‘doy ekish uchun tuproqqa samarali ishlov beradigan, yaxshi maydalangan tuproqni hosil qiladigan, energiya va ekspluatatsion xarajatlarni kamaytiradigan samarali texnologiya va uni ta’minlaydigan texnik vositalarni oʻrganib chiqqan holda tayyorlangan va yangi disksimon pichoqli qurol boʻyicha tavsiya va ko’rsatmalar berilgan. Taklif etilayotgan texnologiyada agregat bir oʻtishda kengligi 3,6 m (4 qator 90 sm lik) g‘oʻza qator oralariga ishlov beradi va uni ekin ekish uchun tayyorlab ketadi. Tekislovchi panja ortiga oʻrnatilgan iskanasimon panja esa 15-20 sm chuqurlikda tuproqqa ishlov beradi. Disksimon pichoqli qurol tuproq yuzasida hosil boʻlgan kesaklarni maydalaydi va egat ichini bir yoʻla tekislab ketadi. Natijada, g‘oʻza qator oralarida 80-85 % miqdorida 25 mm li uvalangan tuproq hosil boʻladi va ekin ekish uchun tayyor holatga keladi.