CHIZIQLI INSHOOTLAR KADASTRLARI OBYEKTLARINI NAVBATCHI YER-KADASTR XARITASIDA TASVIRLASH

Abstract

Ushbu ishda chiziqli inshootlar kadastr obyektlarini navbatchi yer-kadastr xaritasida tasvirlash jarayoni va uning ahamiyati tahlil qilinadi. Chiziqli inshootlar – yo‘llar, temir yo‘llar, quvurlar va aloqa tarmoqlari kabi yer resurslari bilan chambarchas bog‘liq muhim infratuzilmalar bo‘lib, ularning kadastrda to‘liq va aniq qayd etilishi davlat boshqaruvi va yer resurslarini samarali boshqarishda muhim rol o‘ynaydi. Ishda zamonaviy geoinformatsion tizimlar va raqamli xaritalash texnologiyalari yordamida chiziqli obyektlarning joylashuvi va yo‘nalishlarini navbatchi yer-kadastr xaritalarida tasvirlash metodlari ko‘rib chiqiladi. Natijada, ushbu yondashuv yer-kadastr tizimining samaradorligini oshirish, ma’lumotlarning yangilanishini ta’minlash va yer resurslaridan oqilona foydalanishni rag‘batlantirish imkoniyatlarini beradi.