NEFTGAZ KONLARI YEROSTI SUVLARIDAN OQILONA FOYDALANISH VA MUHOFAZALASH MUAMMOLARI

Abstract

Annotatsiya. Maqolada O‘zbekiston neftgaz konlaridagi yo‘ldosh yerosti suvlarini texnogen ifloslanishdan muhofaza qilish va ulardan gidromineral xom ashyo sifatida oqilona foydalanish masalasi ko‘rib chiqilgan. Ko‘pgina uglevodorod xom ashyosi konlarida yerosti suvlari neft va gaz uyumlarining doimiy yo‘ldoshi hisoblanadi. Shuning uchun, hozirgi vaqtda tabiiy resurslardan oqilona foydalanish va atrof muhitni qo‘riqlash ekologiya va tabiat muhofazasining muhim muammolari sirasiga kiradi. Sanoat suvlarini qo‘riqlash deganda ulardan xalq xo‘jaligida foydalanish imkonini beruvchi ularning son va sifatini saqlashga qaratilgan kompleks choralar tushuniladi. Shuning uchun, neftgaz konlari yo‘ldosh suvlarini na faqat gidromineral xom ashyosi deb, qolaversa atrof muhitga zarar yetkazuvchi omil deb ham qarash kerak. Demak, neftgaz konlaridagi yo‘ldosh sanoat suvlaridan oqilona foydalanish katta iqtisodiy samaradan tashqari, yana tabiiy atrof muhiti muhofazasini ta’minlashi mumkin.