AKTIV QUYOSH ISITISH TIZIMIGA EGA CHIQINDI REAKTORINING ISSIQLIK REJIMINI TAJRIBAVIY TADQIQOT QILISH

Abstract

Annotatsiya. Kirish. Jahonda anʼanaviy yoqilgʻi-energiya resurslaridan oqilona va samarali foydalanish, atrof-muhitga zararli chiqindilar miqdorini kamaytirish, qayta tiklanuvchi energiya manbalariga (quyosh energiyasi, biomassa va chiqindi energiyasi, shamol, ...) asoslangan energiya tejovchi texnologiyalarni joriy etish dolzarb muammolardan biri hisoblanadi. Materiallar va usullar. Aktiv quyosh isitish tizimiga ega chiqindi reaktorining issiqlik almashinuvi sxemasi taqdim qilingan (1 va 2-rasm). Havo kanalida harakatlanayotgan issiq havoning issiqlik-fizik xususiyatlarini hisobga olib, issiqlik almashinuvi jarayoni tajribaviy tadqiqot qilingan. Tajribalar chiqindi reaktori havo kanalida harakatlanayotgan havoning o‘rtacha tezligi, havo kanaliga kirishdagi havoning harorati , havo kanali devori harorati oralig‘ida olib borilgan. Chiqindi reaktori havo kanalidagi issiqlik almashinuv jarayoni issiqlik texnikasi va issiqlik almashinuvi nazariyasi kabi hisoblash usullaridan foydalanib amalga oshirilgan. Natijalar. Olib borilgan tajribaviy tadqiqot va hisob natijalari issiq havoning turbulent oqim rejimida Re soni Re˂10000 oralig‘ida bo‘lganda Nu va Re sonining o‘zgarish qiymatlari olingan. Xulosa. Chiqindi reaktori havo kanalida harakatlanadigan issiq havo harakat rejimi, konvektiv issiqlik almashinuvi, issiqlik berish koeffitsiyenti, solishtirma issiqlik miqdori va berilgan issiqlik miqdori bo‘yicha natijalari olingan.