ISSIQLIK ELEKTR MARKAZIDA REDUKSION SOVITISH QURILMALARINING HARORAT REJIMINI TADQIQOT QILISH

Abstract

Kirish. Issiqlik elektr markazlarida energetik samaradorlikni oshirish dolzarb masala hisoblanadi. Bunda asosiy e’tibor issiqlik tashlamalariga qaratilishi aniq va ravshan, chunki barcha turdagi issiqlik elektr stansiyalarida, ishlab chiqarish korxonalari va zavodlarda texnologik jarayon amalga oshirilishi uchun organik yoqilg‘ining fizik issiqligi, suv bug‘ining ichki energiyasidan bevosita va bilvosita foydalaniladi hamda bu jarayonlar amalga oshishi uchun talab qilinadigan parametrlarga chegara shartlari qat’iy belgilanganligi sababli, hosil qilingan issiqlikning juda katta qismi turli shakllarda tashlab yuboriladi. Usul va materiallar. Ushbu jarayonni tadqiqot qilish uchun, avvalo, qurilmani tashkil etuvchi elementlarni o‘rganildi, issiqlik balans tenglamasini tuzib, uni yechimiga kelindi va muammoni qo‘yilishiga olib keluvchi balans tenglamalarini tashkil etuvchilari aniqlandi. Muborak IEMida qo‘llaniladigan BROU-140/16-560/290-350 rusumli tez harakatlanadigan reduksion sovitish qurilmasining texnik tavsifini aniqlovchi parametrlari jadval shaklida berilgan va issiqlik balans tenglamasi hamda sxemasi hisoblangan. Natijalar. Tadqiqot natijalariga koʻra, THRSQning uzluksiz ishlashi uchun beriladigan 5,56 kg/s o‘ta qizigan bug‘ning haroratini 540 ℃ dan 255 ℃ gacha pasaytirish uchun 1,3 kg/s ta’minot suvi purkalishi, jarayonda bosim 10 barobarga pasayishi, har bir kg bug‘ uchun taxminan 550 kJ/kg ichki energiya isrof bo‘lishi aniqlandi. Xulosa. Tadqiqot natijalariga ko‘ra, issiqlik elektr markazining issiqlik samaradorligini oshirish bo‘yicha ishlab chiqilgan tavsiyalar ilmiy tadqiqotlarni davom ettirish uchun asos bo‘lib xizmat qiladi