YASSI QUYOSH SUV ISITISH KOLLEKTORINING TAHLILI

Abstract

Kirish. Quyosh energiyasi anʼanaviy qazib olinadigan yoqilg‘iga asoslangan energiya manbalarini almashtirish orqali issiqxona gazlari (GHG) chiqindilarini sezilarli darajada kamaytiradi. Koʻmir yoki tabiiy gaz zavodlaridan farqli o'laroq, quyosh panellari va kollektorlari energiya ishlab chiqarish jarayonida karbonat angidrid (CO₂) chiqarmaydi. Usul va materiallar. Ushbu ishda xalqaro nashriyotlar bazasidan << flat AND solar AND water AND heater And collectors >> kabi kalit soʻzlar orqali chop etilgan ilmiy nashrlar aniqlandi, Scopus maʼlumotlar bazasini ochiq platformasidan foydalanildi. Shu bilan birga yangi yondashuvli maqolalarni aniqlash uchun << pcm AND flat AND solar AND water AND heater And collectors >> kabi kalit soʻzlar orqali qoʻshimcha nashrlar aniqlandi (10/02/2025 yil). Natijalar. Ushbu yigʻilgan maʼlumotlar asosida nashrlar soni, unga hissa qoʻshgan mamlakatlar va mualliflar, nashrlarning turlari va sohalari tahlil qilindi. Turli xil Quyosh suv isitish kollektorlari turlari, afzallik va kamchiliklari aniqlandi. Natijada tanlangan maqolalar bo‘yicha “Adabiyotlar tahlili” o‘tkazildi.