Mazkur maqolada turizm va asalarichilik sohalarining o‘zaro integratsiyasi orqali hududlarning iqtisodiy barqarorligini ta’minlash imkoniyatlari keng tahlil qilingan. Asalarichilikni turizm faoliyati bilan uyg‘unlashtirish nafaqat ekologik muvozanatni saqlash, balki mahalliy aholining daromad manbalarini diversifikatsiya qilish, yangi ish o‘rinlari yaratish va hududlarning investitsion jozibadorligini oshirishda muhim omil sifatida qaraladi. Shuningdek, ushbu integratsion yondashuv barqaror iqtisodiy o‘sishni rag‘batlantirish, tabiiy resurslardan oqilona foydalanish hamda qishloq joylarda yashovchi aholining turmush darajasini yaxshilash imkonini beradi.

Abstract

Maqolada ziyorat turizmini rivojlantirishda davlat-xususiy sheriklik (DXSH) mexanizmlarining o‘rni va ularni takomillashtirishning ustuvor yo‘nalishlari tahlil qilingan. Tadqiqotda DXSH asosida ziyorat joylarida infratuzilma va xizmatlar sifatini oshirish, investitsiya muhitini yaxshilash hamda xususiy sektorni faol jalb etishning institutsional asoslari yoritilgan. Mamlakatda mavjud DXSH amaliyoti tahlil qilinib, ularning samaradorligiga ta’sir qiluvchi omillar aniqlangan. Shuningdek, xalqaro tajribalar asosida ziyorat turizmi sohasida qo‘llanilishi mumkin bo‘lgan ilg‘or yondashuvlar taklif etilgan. O‘zbekiston sharoitida ziyorat turizmini rivojlantirishda davlat va xususiy sektor o‘rtasidagi hamkorlikni kuchaytirishga qaratilgan amaliy va takomillashtirilgan mexanizmlar ishlab chiqilgan.