Oziq-ovqat xavfsizligi: Global muammo va milliy yondashuv

Abstract

Mazkur maqolada oziq-ovqat xavfsizligi global miqyosdagi dolzarb masalalardan biri sifatida tahlil qilinadi. Tadqiqotda global oziq-ovqat ta’minoti tizimining muammolari, iqlim o‘zgarishlari, pandemiyalar, siyosiy beqarorlik va aholining o‘sish sur’atlari kabi omillar o‘rganilgan. O‘zbekiston misolida milliy oziq-ovqat siyosati, mavjud imkoniyatlar, zaxiralar, texnologik yondashuvlar va davlat strategiyalari tahlil qilingan. Olingan natijalar shuni ko‘rsatadiki, oziq-ovqat xavfsizligini ta’minlash uchun ilmiy-innovatsion texnologiyalarni joriy etish, resurslardan oqilona foydalanish, ekologik muvozanatni saqlash va xalqaro hamkorlikni kuchaytirish zarur. Tadqiqot natijalari siyosiy qarorlar qabul qilishda, ilmiy strategiyalar ishlab chiqishda va milliy oziq-ovqat siyosatini takomillashtirishda amaliy ahamiyatga ega.