Aholi turmush darajasi: ijtimoiy-iqtisodiy mohiyati va tasniflarining nazariy asoslari

Abstract

O‘zbekiston Respublikasida olib borilayotgan izchil islohotlar natijasida aholi turmush darajasi va turmush sifatining oshishi, aholi daromadlari tarkibida tadbirkorlik faoliyatidan olinayotgan daromadlar ulushining tobora ortib borayotgani, aholining xizmat ko‘rsatish sohasidan foydalanish jarayonining ortishi ijtimoiy-iqtisodiy rivojlanishdagi ijobiy o‘zgarishlarga olib kelmoqda. Maqolada ijtimoiy-iqtisodiy taraqqiyotning nazariy asoslari, iqtisodiy taraqqiyot muammolari va ularning yechimlari, aholi farovonligi va turmush darajasi bilan bog‘liq nazariyalar bayon etilgan bo‘lib, aholining muntazam o‘zgarib turadigan turli ne’matlarga bo‘lgan ehtiyojlarining tarkibi va darajasi, ehtiyojni qondirish imkoniyatlari, aholi daromadlari va taqsimlanishi haqida fikrlar keltirilgan. Maqolada farovonlik darajasi ham ishlab chiqarish va xizmat ko‘rsatish sohalari samaradorligining ko‘lami, ilmiy-texnik taraqqiyot darajasi, aholining madaniy-ma’rifiy saviyasi, milliy xususiyatlari va siyosiy hokimiyatga bog‘liqligi, umuman olganda turmush darajasi va sifati kabi masalalarga bag‘ishlangan. Shuningdek, ushbu maqolada aholining ijtimoiy-iqtisodiy hayotini o‘rganishning eng muhim jihatlari, iqtisodiy faoliyat ishtirokchisi hisoblangan insonning asosiy sifat xususiyatlarini baholash ham batafsil bayon etilgan.