| dc.description.abstract | Annotatsiya: Mazkur maqolada O‘zbekiston Respublikasida sanoat faoliyati
natijasida hosil bo‘layotgan texnogen chiqindilarni ikkilamchi xomashyo sifatida
o‘zlashtirishning ilmiy asoslari va amaliy imkoniyatlari tahlil qilingan. Tadqiqotda
texnogen chiqindilarning tarkibida mavjud qimmatbaho, nodir va kam uchraydigan
elementlarni ajratib olish texnologiyalarining hozirgi holati, ularning ekologik hamda
iqtisodiy ahamiyati yoritilgan. Shuningdek, kon-boyitish, metallurgiya, kimyo va
issiqlik energetikasi sanoatlarida hosil bo‘layotgan chiqindilarning tarkibi, fizik
kimyoviy xususiyatlari va ularni qayta ishlashning istiqbolli yo‘nalishlari tahlil
etilgan. Maqolada texnogen chiqindilardan kompleks foydalanishning afzalliklari,
xususan, tabiiy resurslardan tejamkor foydalanish, ekologik yuklamani kamaytirish
hamda ishlab chiqarish chiqindilaridan iqtisodiy foyda olish imkoniyatlari asoslab
berilgan. Natijalar shuni ko‘rsatadiki, chiqindilarni qayta ishlashda innovatsion
texnologiyalarni joriy etish O‘zbekiston sanoatining resurs samaradorligini oshirish,
ekologik muvozanatni tiklash va iqtisodiy barqarorlikni ta’minlashda muhim omil
bo‘lib xizmat qiladi. | en_US |
