XOMASHYONI PIROLIZ QILISH VA UNING ENERGIYASINI TEXNOLOGIK JARAYONLARIDA QO‘LLANISHI YO‘LLARI

Abstract

Piroliz jarayoni biomassani termik qayta ishlashning samarali usullaridan biri hisoblanadi. Piroliz jarayoni turli harorat va tezlikda amalga oshirilishi mumkin. Past haroratli pirolizda uglerod qoldig‘i, o‘rta va yuqori haroratli pirolizda esa gazlar ko‘proq hosil bo‘ladi, tez pirolizda esa suyuq fraksiyalar ishlab chiqariladi. Uglerod qoldig‘idan qattiq kompozit yoqilg‘i ishlab chiqarish yoki gazlarni tozalash uchun sorbentlar ishlab chiqarish imkoniyatlari mavjud. Lignin miqdori yuqori bo‘lgan xomashyo, masalan, ignabargli daraxt yog‘ochi, asosan uglerod qoldig‘i ishlab chiqarish uchun ishlatiladi. Biomassani piroliz yordamida termokimyoviy konversiya qilish istiqbolli usul bo‘lishiga qaramay, uning keng ko‘lamda joriy etilishi bir qancha murakkabliklarga ega. Biomassaning piroliz jarayonini o‘rganishda yana bir yondashuv shundaki, o‘simlik xomashyosining parchalanish jarayoni uning tarkibidagi uchta asosiy komponent— gemitsellyuloza, selluloza va ligninning termik o‘zgarishiga asoslanadi.